المساعد الشخصي الرقمي

مشاهدة النسخة كاملة : أكلات الحموية



سمية
03-01-2008, 01:31 PM
لسلام عليكم
اليوم بدي عرفكم ببعض الأكلات الحموية الأصيلة
خلينا نبدأ بأكلة اسمها
الباطرش:أكلة شعبية معروفة, تحضر من الباذنجان المشوي واللبن(المتبل) ويوضع فوقه البندورة المقعدة على النار ومعها لحمة وتعتبر من المقبلات
المكمور:أكلة لذيذة وهي عبارة عن ملفوف متروم يتم طبخه مع اللحمة ويؤكل مع المخللات وخاصة مخلل اللفت والملفوف الأحمر
عدس بحصرم: أكلة لذيذة ويتم تحضيرها كالتالي تحمس اللحمةمع البصل باللية السورية أو السمنة ثم يسلق العدس المجروش بعد أن تنضج اللحمة ويوضع عليه الليمون وقليل من الطحين
وصحتين وعافية....

بسام أمير
03-01-2008, 02:03 PM
السلام عليكم



والله هي الأكلات لذيذة جدا انا مجربها:d. وأنصح الجميع بتذوقها و(إذا كنتو ما بتعرفوا طريقة التحضير تعوا خدوا دورة عند الحمويين:d )


ودمتم بخير

سمراء سوريا
03-01-2008, 08:39 PM
ممممممممممممممممممم
جوعتونا يلا لازم تطبخيلنا ياهن ياسمية وتدوقينا
الله يعطيك العافية

بهاء بيلوني
03-01-2008, 10:38 PM
لا هيك ما بصير

يعني شمو ولا تدوقو

يالله على الحارك شوفولنا شي حموي يعزمنا على كم اكله

اي شنو لانو بدنا نقرر هل الاكل الحمو طيب ولا لا بس

مو اكتر

بقا الله يخليكن يا بتعزمونا يا واما منقوت في باب الاكلات الحلبيه ومنخليكن تتحسرو

شلون بتريدو احنا جاهزين

نور
04-01-2008, 01:38 AM
ع راسي والله كل الحمويات وطبخاتن اللذييييييييذة
وعلى راسن الغالية سمية

بس سؤال سمية::
الباطرش هو نفسه البابا غنوج؟؟؟ لأني شعرت أنو نفس المكونات تقريباً
سؤال لاكتساب الخبرة :cool:
واستني علي شوي لحتى أجيبلك أطيب الأكلات الحلبية ;)

مصعب غناج
04-01-2008, 03:14 AM
والله كون انا حموي واكلت البابا غنوج تعود لأحد اجدادنا القدامى فبامكاني اني قدم بعض من الإطراء للبابا غنوج
هي الأكله البينجان بعد ما يشوى ويقطع بندق سنتين توم معاه ...وبعدين بنكون نحن مقطعين
البقدونس ومحضرين زيت الزيتون...ومزبطين الحمض والفليفله...وبندوره مقطعه مو معقده...
وشوية رمان حامض فوق الأكله..بتطلع منضمينا ولا أطيب من هيك..وطئو موتوا.
ف بيفرق كتير الباطرش عن البابا غنوج.

أبو عرب
04-01-2008, 03:38 AM
احم .. احم .. اسمحولي ..:confused:
حلب .. أهل المحاشي والكبب .. ما في حدا بعدن بالطبخ و النفخ .. ;)
لا تقلي بابا غنوج .. ولا ماما طبوش ..
بالذات إنت يا غناج ..:cool:
:)

بهاء بيلوني
04-01-2008, 04:21 AM
لك حبيبي بابا غنوج ولا باطرش انا ما بعرف هالحكي لازم واحد منكن يعزمني ما دخلني

لك يا اخي انا من حلب شو بعرفني بالاكلات الحمويه طيبه ولا لا

نعما ما في حمو بقول اتفضلو بس بتحكو عن الاكل

وبعدين انت يا ابو عرب بما انك حكيت عن الاكل الى عندك عزيمه ما دخلني ايـــوه

أبو عرب
04-01-2008, 04:58 AM
وبعدين انت يا ابو عرب بما انك حكيت عن الاكل الى عندك عزيمه ما دخلني ايـــوه

:cool:
خيو من عيوني..
إنت شو بدك .. بس أمرني ..
محشي ..
ولا شيخ المحشي ..
ولا فاصوليا بعبه محشي ..
ولا فريكة ..
ويبرق..
وسمائية.. وسفرجلية ..
ولحمة بفرن ..
ولا تريت .. وفتة الحمص .. ومخلوطة ..
اللي بيخطر على بالك ..
بعزمك عندك في البيت .. ;)

بهاء بيلوني
04-01-2008, 05:04 AM
:cool:
خيو من عيوني..
إنت شو بدك .. بس أمرني ..
محشي ..
ولا شيخ المحشي ..
ولا فاصوليا بعبه محشي ..
ولا فريكة ..
ويبرق..
وسمائية.. وسفرجلية ..
ولحمة بفرن ..
ولا تريت .. وفتة الحمص .. ومخلوطة ..
اللي بيخطر على بالك ..
بعزمك عندك في البيت .. ;)


خيو انا بدي اياك تعزمني يوم كامل غدا وفطور وعشا

عالفطور بتعرف شو ما مونيه وشعيبات وجبنه مشلشله
ولى الغدا ما بتفرق اي شي بتحبو بس شو رأيك ب ابوات ولا احكيلك كبه بلبنيه او بالصينه او مقليه ومافي مانع ازا كان جنبا كبه بسرفجليه
وكبه نيه او مشويه ولاتنسا المحمره
ووعلى العشا حبيب خفيف كتير

شويه مربى الورد مع خياره
او از بتعمل طنجره مخلوطه مو غلط او عدس بحامض
او منعمل حفله تبوله ولا بلاش تبوله بلاش ما يحكو التبوله متل البابا غنوش

او احكيلك منسخن المامونيه ومنتعشى عليها

لك حبيبي اشتهيت اخ حموى يقل اهلا وسهلا تفضل منعزمك ومندوقك كم اكله
بس لحد الان ما حدا قال

الله يكرمك خيو ابو عرب
بس الشغله كلها مزح بمزح وانت اكيد ما بتقصر ولا حتى حدا من الشباب هدا اكيد

والنا الشرف حبيب نزورك

حياتي كلها لله
04-01-2008, 05:11 AM
أيوا أيوا ... شطوا ريالاتنا

اكتبوا اسم الموضوع "ممنوع دخول الصائمين وأصحاب الرجيم"

والله شهيتونا بهالأكلات الحموية

ومشان الأكلات الحلبية ..
شو رأيكم نعمل مقارنة بين الأكلات الحموية والحلبية ... والجمهور هو الحكم

طبعا انا بضم صوتي للأكلات الحموية ...

وكمان على راسي الأكل الحلبي وكل الأكل السوري .... المهم أكل طيب

وصحتين وعافية للجميع

بهاء بيلوني
04-01-2008, 05:16 AM
أيوا أيوا ... شطوا ريالاتنا

اكتبوا اسم الموضوع "ممنوع دخول الصائمين وأصحاب الرجيم"

والله شهيتونا بهالأكلات الحموية

ومشان الأكلات الحلبية ..
شو رأيكم نعمل مقارنة بين الأكلات الحموية والحلبية ... والجمهور هو الحكم

طبعا انا بضم صوتي للأكلات الحموية ...

وكمان على راسي الأكل الحلبي وكل الأكل السوري .... المهم أكل طيب

وصحتين وعافية للجميع

لك يا حبيبي ما بنصحكن تفوتو فته مو قدها

لانو الحموين ما عندن الا الباطرش
وياريتها تكون اكله رأيسيه
كل ما هنالك هالباطرش شقفه مقبلات عندنا

فأنا بنصحك حبيبي ي حياتي كلها لله
اسحب الموضوع
لانو انا وابو عرب عم منتحزر على شو بدو يعزمني عدينا شي عشرين اكله متفرده بالحلبين بس

انتا قلى الحلويات بقلك حلاوه الجبن طيبه ومرتبه
ااا تقلى طبخ ونفخ
ما حزرت
لك حبيبي ما في مقارنه
يعني متل ما عم بتقارن الاكل السوري والاردني
الاردن عندا هالمنسف والمقلوبه
ومقلوبه ومنسف

شو عم تحكي

حياتي كلها لله
04-01-2008, 05:25 AM
له له ...

أنا رح اترك الموضوع لصاحبة الموضوع وللصبابا الحمويات ...

هن عندهم خبرة بهالمجال ... أما انا فشغلتي الأكل وبس

ولا تنسى الجمهور هو الحكم

:cool:

بهاء بيلوني
04-01-2008, 05:31 AM
له له ...

أنا رح اترك الموضوع لصاحبة الموضوع وللصبابا الحمويات ...

هن عندهم خبرة بهالمجال ... أما انا فشغلتي الأكل وبس

ولا تنسى الجمهور هو الحكم

:cool:

لك والله عراسي ليش انا كمان في الى شغله غير الاكل وتعداد الاصناف :p :p

بس ولا يهمك خلينا نشوف شو بطلع مع الصبايا الحمويات

وانا وابو عرب والشباب والصبايا الحلبيه منفوت على الخط :cool:

حياتي كلها لله
04-01-2008, 05:34 AM
ميت السلامة

فاطمة الزهراء
04-01-2008, 04:10 PM
بعد الاكل الحموي ما في

عالعموم كل أكل سوريا ما في بعده

تقبلي تحياتي

Ơмâίř
04-01-2008, 04:55 PM
انا عرفت اكلتين بس ^^

يعطيك العافية

سمية
04-01-2008, 10:58 PM
;)

ع راسي والله كل الحمويات وطبخاتن اللذييييييييذة
وعلى راسن الغالية سمية

بس سؤال سمية::
الباطرش هو نفسه البابا غنوج؟؟؟ لأني شعرت أنو نفس المكونات تقريباً
سؤال لاكتساب الخبرة :cool:
واستني علي شوي لحتى أجيبلك أطيب الأكلات الحلبية ;)


للأسف الشديد بسمع بهذه الأكلة لكن لا أرعفها
وشكرا على مرورك الكريم يا نور

سمية
04-01-2008, 11:03 PM
ممممممممممممممممممم
جوعتونا يلا لازم تطبخيلنا ياهن ياسمية وتدوقينا
الله يعطيك العافية

خلص على راسي يا إسراء
بس بدي أعرف طبخك
وشكرا على مرورك:d

عبد الرحمن مأمون
09-01-2008, 02:57 PM
نتيجة الاستفتاء حول :
هل الأكل الحموي أطيب من الأكل الحلبي؟؟؟؟؟
نعم : 95% |||||||||||||||||||||||||||||||||||||||||||||||||| |||||||||||||||||||||||||||||||||||||
لا: 3.5% ||||||||
لا أدري: 1.5% |||

إبن الشام
09-01-2008, 06:18 PM
أنا أحتج شو هيك تجوعونا وتشهونا يا أما تعزمونا على هالأكلات أو تعزمونا....
هاهاهاهاها...

حياتي كلها لله
10-01-2008, 01:19 AM
نتيجة الاستفتاء حول :



هل الأكل الحموي أطيب من الأكل الحلبي؟؟؟؟؟

نعم : 95% |||||||||||||||||||||||||||||||||||||||||||||||||| |||||||||||||||||||||||||||||||||||||

لا: 3.5% ||||||||
لا أدري: 1.5% |||





:D
:D
:D

TiGeRSouL
10-01-2008, 02:19 AM
طبختوا وعجنتوا على راحتكوا

هلا وين السفره عشان ناكل ؟؟
نفسي اجي لسوريا أو اتجوز وحده سوريه
بس عشان ادوق اكلهم بيقولوا شاطرات واكلهم لزيز

عاطفة المعدة :> حساس جدا للجوع :p

ahmad
30-01-2008, 10:22 PM
والله ما راحت إلا على العزاب والمغتربين أمثالي ...:( :) :confused:

وصحة وهنا

شمس
31-01-2008, 04:54 PM
السوريين وبشكل عام نفسهن حلو عالاكل
ووين مارحت بتلاقي الاكل السوري مرغوب..وصيته ذائع
وخصوصا المحاشي والكبب واليلنجي والتبوله و.....و..........
وانا عني جربت الاكل الحلبي وما بلاقي الذ منه كله دسم بدسم يعني الواحد بنجلط اذا ما اكل منه وبنجلط لما ياكل منه:)
الكبه لحالها 100 صنف
أما اكلة لحمة بكرز!
شلون ظبطوها لحم وزفر مع كرز وحلو مابعرف!!
يا أخواني فنانين

وان شالله مندوق الاكلات الحموية على ايديكي خيتي سمية

فلسطيني
02-02-2008, 05:02 AM
لسلام عليكم
اليوم بدي عرفكم ببعض الأكلات الحموية الأصيلة
خلينا نبدأ بأكلة اسمها
الباطرش:أكلة شعبية معروفة, تحضر من الباذنجان المشوي واللبن(المتبل) ويوضع فوقه البندورة المقعدة على النار ومعها لحمة وتعتبر من المقبلات
المكمور:أكلة لذيذة وهي عبارة عن ملفوف متروم يتم طبخه مع اللحمة ويؤكل مع المخللات وخاصة مخلل اللفت والملفوف الأحمر
عدس بحصرم: أكلة لذيذة ويتم تحضيرها كالتالي تحمس اللحمةمع البصل باللية السورية أو السمنة ثم يسلق العدس المجروش بعد أن تنضج اللحمة ويوضع عليه الليمون وقليل من الطحين
وصحتين وعافية....
والله ما بعرفها هالأكلات أنا :(
يسلمو إيديكي خيا

موضوعك طكع ;)

Dark king
24-02-2008, 02:16 PM
لك يسلملي الحمويين شو شاطرين ....................

وبصراحه ما بعرف ولا أكلة ....................

بس عادي معروف أكل الحمويين ما في عليه كلام .................

الهوية : حموي متعصب ......................

دلوعة زماني
25-02-2008, 08:56 PM
الله يحييك

شفاء القلوب
28-03-2010, 10:34 PM
والله زكريات

ياترى وين عالاعضاء؟؟؟

وبالنسبة للاكل الحموي ما في منه اكيد

بس الحلبي اطيب خخخخ

بيلسان
31-03-2010, 07:47 PM
لشو كل هالجدال أكل حموي أكل حلبي ما بتفرق المهم أكل وبعتقد حسب خبرتي بالطبخ أنو الأكل هو هو بحماة وبحلب بس الو أسماء تانية دخيلكن بقا حلّوها وقولوا أكل سوري:sh (134):

بالمناسبة عم قول حسب خبرتي بالطبخ يعني من باب المزح :sh (136):لأني للأسف مزبوط من حماة بس ما بعرف ساوي ولا حتى بيض يمكن لأني مو عايشة بسوريا مشان هيك متل قلّتي بالطبخ والمطبخ :sh (171):
بس لا مشان ما تقولوا عني مو معدّلة والله تعلمت المعكرونة بالباشميل وكمان كتير حبوها:sh (229): يعني في مني أمل ولا تستغربوا أني بعرف أعمل معكرونة وما بعرف أعمل بيض هاد الي تعلمتو

مشان هيك ازا بتعملولنا دورة طبخ بها القسم بركي بحاول أتعلّم وبتكونو إكسبتوا فيني حسنة :sh (196):
وأختي سمية كأن العدس بحصرم ما بينحطلّوا لحمة يعني مزبوط ما بعرف أطبخ بس والله بعرف شو عم آكل انا بعرف شوربة العدس هي ممكن ينحطلها لحمة
اما العدس بحصرم بس توم مقلّى وبقدونس وليمون مزبوط كلامي ولا مشبوه